Provincial Agriculture Office, naubor

BANTAY, Ilocos Sur – Pati opisina ti gobierno ket makursonadaan dagiti nabartek nga uboren.

Naburak ti sarming a tawa ti akin-amianan a paset ti pasdek ti Provincial Agriculture Office a masarakan iti Govantes Dike a sakup ti Zone 4 ditoy nga ili gapu iti panangbato dagiti mapapati a nabartek a suspetsa ti guardia a nakalugan iti motorsiklo agarup dandani ala una ti parbangon ti Abril 13.

Nakasarak dagiti polis iti dua a bato ken maysa a nagawangan a botelia ti GSM iti uneg ti opisina a nabuong ti sarming ti tawana.

Saan pay a nabigbig dagiti nagubor iti pannakaisurat daytoy.#