VIGAN CITY – Insingasing ni Bokal Gerry Lahoz ti pannakaiyakar ti provincial jail agsipud ta ad-adun dagiti balud ditoy ngem iti rumbeng a laonenna koma.
Segun ken ni Lahoz, kasapulanen a maiyakar ti provincial jail iti nalawlawa a lugar para iti naan-anay a rehabilitasion dagiti balud.
Kapaliiwan a gapu iti kaadun dagiti balud iti provincial jail, awan unayen ti pagpisipisanda ken nawaywaya a pagtrabahuan ken paglinglingayanda.
Bimmisita ti Knights of Rizal iti pagbaludan ditoy idi Disiembre 23 no sadino a nagiwarasda iti regalo kadagiti balud.#