Footer

Public health, maikkan iti pundo

SAN ESTEBAN, Ilocos Sur -Mangrugi inton umay a tawen, mailatangan  iti bukod a pondo ti public health program iti probinsia.

Kinuna ni Gov. Deogracias Victor “DV” Savellano a mailatang ti P1 milion nga inisial a pundo para kadagiti nadumaduma a programa ti public health iti probinsia nga idauluan ni Dr. Rosalinda Quisada.

“No pumigsa ti public health bumassit ti problema ti salun-at ditoy probinsia,” kinuna ti gobernador.

Kinuna ni Savellano a maikkan ti dental services division iti bukod a pondo  a P500,000 mangrugi iti 2008. Inkari ti gobernador a no agkurang, madadaanto nga gobierno probinsial nga agnayon.

Sabali laeng ti mailatang a pondo para iti travelling allowance dagiti adda iti health sector, segun iti gobernador.#