Public hearing tapno maurnos dagiti ordinansa, naangay

CABUGAO, Ilocos Sur – Insayangkat ti tallo a komite ti sangguniang bayan ti maysa a public hearing itay Oktubre 23 para iti pannakaurnos dagiti ordinansa ditoy nga ili.

Panggep pay ti nasao a hearing a naangay iti Cabugao Culture and Sports Complex ti pannakaurnos ti Code of General Ordinances, pannakabaliw ti Revenue Code, ken pannakatratar ti paglintegan ti tiendaan publiko ditoy.

Nagtitipon ti committee on finance nga indauluan ni Konsehal Richard Alcid, committee on rules nga indauluan ni Kon. Benedict Savellano, ken ti committee on trade and industry nga imbagian ni Kon. Serna kas vice chairman, a nangisayangkat iti nasao a hearing.

Dimmar-ay iti hearing dagiti barangay officials, nadumaduma nga organisasion ken dagiti gunglo dagiti mannalon, mangngalap ken dagiti traysikelan ditoy nga ili.#