Puntiria a mapastrek ti tiendaan, manamnama a magun-od

MAGSINGAL, Ilocos Sur – Magun-od ti puntiria a makolekta ita a tawen iti tiendaan publiko, segun iti tesorero munisipal ditoy nga ili.

Impalgak ni Municipal Treasurer Edgar Oandasan nga addan nakolekta ti tiendaan publiko nga aganay a P4 million agingga iti bulan ti Nobiembre ket manamnama a magun-odda ti puntiriada a koleksion iti makatawen a P4.6 million.

Idi napan a tawen, immabut iti P3 million ti napastrek ti tiendaan publiko,

Segun ken ni Oandasan, ti tiendaan publiko ti kadakkelan ita a pamastrekan ti gobierno munisipal ditoy idinto nga innayonna a dimmakkel ti nakolekta manipud kadagiti stalls ken pagtagilakuan iti baet nga imbabada payen ti renta dagitoy.

Immutang ti gobierno munisipal iti Land Bank of the Philippine para iti pannakaipasdek ti nasao a tiendaan.#