Puonan para livelihood naited persons with disability

CABUGAO, Ilocos Sur – Naiyawat kadagiti persons with disability ti puonanda para iti panagtarakenda iti kalding iti opisina ti mayor ditoy nga ili idi Hulio 29.

Mismo a ni Mayor ni Edgardo S. Cobangbang, Jr. ti nangiyawat iti  tseke nga agbalor iti P143,500.00 ken ni Dante Ullero, presidente, iti imatang dagiti kakaduana nga addaan rangkap ken panangsaksi da Fresnaida A. Gundran, hepe ti DOLE-Ilocos Sur, Charity Ubilas, ken Mimi Sison, pannakabagi ti Human Resources Management Office, Cabugao.

Impeksa ni Ullero ti panagyamanna kadagiti agtuturay ti Cabugao ken dagiti taga-DOLE gapu iti impaayda a tulong kadakuada tapno maaddaanda iti puonanda nga agtaraken iti kalding.#