Puonan ti gunglo dagiti empleado, dimmakkel

SAN JUAN, Ilocos Sur – Napadakkelen ti gunglo dagiti empleado ti munisipio ditoy ti pundo babaen ti panagpautangda kadagiti miembro.

Segun ken ni Florencio Anastacio, presidente ti  Association of San Juan Municipal Employees, immabuten iti nasurok a P500,000 ti pondo ti gunglo manipud iti P300,000 seed money nga impabulod ti gobierno munisipal ditoy.

Babaen ti nasao a pundo, makautang dagiti miembro iti manipud iti P2,000 agingga iti P5,000 a bayadanna iti las-ud ti tallo agingga iti lima a bulan babaen ti 1% interest.

Kinuna pay ti presidente a no tiempo ti gawat, gumatgatang ti gunglo iti bagas nga ipautangna kadagiti kameng.#