Footer

Rali kontra panagminas, naisayangkat

LAOAG CITY – Maysa a rali ti inangay dagiti sumagmamano a grupo iti sango ti provincial capitol ditoy idi Pebrero 23 kas ikokontrada iti operasion ti minas iti probinsia.

Karaman kadagiti nagrali dagiti estudiante ti Divine Word College of Laoag, non-government organizations, ken pannakabagi ti simbaan.

Indarirag dagiti nadumaduma a grupo bayat ti rali ti saan a panangipalubos dagiti agtuturay ti panagminas iti probinsia tapno saan a mapasaran ditoy dagiti didigra kas napasamak kadagiti sumagmamano a probinsia gapu iti mining operations.

Sumagmamano a mining companies ti adda panggepna nga agminas iti Ilocos Norte.

Naikkanen iti permit ti maysa a kompania ti minas a mangisayangkat iti mining exploration iti Carasi, Ilocos Norte.#