Footer

Rama

Umadanin ti panagburak
aglibeg aglitnaw latta
iti paraangan, umammingaw
dagiti boksitan a mabanniitan
maiyaleng-aleng no kua
ti sima ti panagduadua.
Maiwalin manen
dagiti siitan a remmeng ti bunannag
lumagto ti makarsan
nga apon dagiti arsab
iti rama ti lubong.
Summiag latta ti wingiwing
agkiraos latta ti parmata
rumiet ti mulengleng
aglidoklidok ti dursok nga arapaap
ket maiyaon manen
dagiti nakangkangan
a nasangat a namnama.
Panagrama dumteng ken malpas
malpas ken dumteng