Rambak Kristo Ari, naselebraran

NAGBUKEL, Ilocos Sur – Sinelebraran ti Arkidioses ti Nueva Segovia ti Rambak Kristo Ari a naangay iti Barangay Lungog ditoy nga ili idi Nobiembre 22, 2015.

Rinibribu dagiti deboto manipud iti nadumaduma nga ili iti probinsia ti nakipartisipar iti selebrasion a nagsangailian ti St. Francis Xavier Parish iti nadakamat a barangay.

Kanaig daytoy, impaganetget ni Msgr. Vicente Avila, kura paroko ti St. Paul Metropolitan Cathedral, a ni Kristo ti rumbeng a pagtuladan ti maysa a pamilia, ta no adda iti sidong ni Kristo Ari ti pamilia, dumakkel dagiti annak nga adda panagbutengda iti Dios ken agbalinda a nasingpet nga umili.

Maselselebraran tunggal tawen ti Rambak Kristo Ari iti maikatlo a Domingo iti bulan ti Nobiembre. (Manipud iti report ni Edison Raboy)