Rambol iti agdan ti simbaan, 4 nabagsol

STA. MARIA, Ilocos Sur – Uppat a lallaki ti nabagsol iti napasamak a rambol iti agdan ti Sta. Maria church idi rabii ti Disiembre 20, 2012.

Segun iti report, nabagsol da Geomar Dasalla y Cabjuan, 18, baro; Jeferson Dasalla y Palacio, 17, baro; Marlon Dasalla y Palacio, 16, baro, agpapadada amin a residente iti Barangay Langaoan, ken Christian Canaoay y Dumot, 21, baro, residente iti Barangay Nalvo idinto a nainaganan ti bimmagsol kadakuada a ni Sonny MaƱago y Antonio, 26, baro, ken residente iti Barangay Nalvo.

Iti panagimbestiga dagiti polis, nagpukkaw ni Jeferson Dasalla idi limmabas da MaƱago ken ni CanaoayĀ  ket mapapati a di nagustuan ti suspek a puon ti panagsubang dagiti dua a grupo a nagtungpal iti panagrambolda.

Mapapati nga inuksot ni Dasalla ti paltogna ngem binagsol ni MaƱago ket nairaman a nasugatan dagiti dadduma agraman ni Canaoay.

Naipaagas amin dagiti nagriringgor iti Ilocos Sur District Hospital, Narvacan sa naikustodia ni MaƱago iti police station ti Sta. Maria.#