Raniag Twilight Fest, maisagsaganan

VIGAN CITY – Isagsaganan ti city government ditoy dagiti aktibidad para iti Raniag Twilight Festival a maangay inton umay a bulan, daytoy ti impakaammo ni Mayor Eva Marie S. Medina itay nabiit.

Kinuna ni Media  nga uray idi kalkalpas ti Heritage Cities Solidarity Celebration, adda dagiti nagsalsaludsod kenkuana no ania dagiti guidelines para iti streetdancing dancing competition ken dadduma pay a pasalip iti masungad a festival.

Impakaammo ti mayora a nakalukaten ti city government nga aggawat kadagiti mayat a makipartisipar iti nasao a festival sana innayon nga adda payen dagiti nagdamag no mabalin dagiti taga-sabali a probinsia a makisalip iti competition.

Kinuna ni Medina a gapu ta maikadua pay laeng a tawen daytoy, kaykayatna nga iti pay laeng Vigan ti pagkonsentrasionan  dagiti pasalip.

Nupay kasta, kinuna ni Medina  nga iti sumaruno a tawen a maigannuat ti open competition.#