Raya ti korona ti imahe ti santa, natakaw

STA. LUCIA, Ilocos Sur – Mapukpukaw ti raya ti korona ti imahe ni Apo Resurreccion a masarakan iti uneg ti St. Lucy Parish sipud pay idi malem ti Mayo 29.

Segun iti report manipud iti polis, natakuatan ti maysa a Salvador Piamonte y Vilog, 58, naasawaan, ken residente iti Brgy. Barangobong ditoy met laeng nga ili, nga awanen ti raya ti korona ti santa idi napan simmuknal iti simbaan idi agarup 3:45 ti nadakamat a petsa.

Segun pay iti polis, kukua dagiti residente ti Barangay Barangobong, Sta. Lucia ti nasao nga imahe ket maikabil daytoy iti simbaan iti las-ud ti 40 nga aldaw para iti Semana Santa.

Nakalukat latta akinlaud a ridaw ti simbaan iti aldaw uray awan ti misa ket mapapati a ginundawayan daytoy dagiti di pay nabigbig a mannibrong a nangtakaw iti raya ti korona ni Apo Resurreccion.#