Recreational center para senior citizens, mabangon

STO. DOMINGO, Ilocos Sur – Mabangon ti maysa a recreational center nga agpaay kadagiti senior citizens ditoy nga ili kas panangipakita ti gobierno munisipal iti panangipategna kadagiti lallakay ken babbaket ditoy.

Segun ken ni Mayor Amado Tadena, inkari ni Cong. Ronald Singson a mangted iti pundo para iti pannakaipatakder ti senior citizens’ recreational center.

Kinuna ni Tadena a babaen ti nasao a recreational center, addanton maisangrat a pagpalpaliwaan dagiti senior citizens ken pangiliwliwaganda kadagiti problemada.#