Refund iti ISECO, nag-reflect iti bill dagiti consumers

SANTIAGO, Ilocos Sur – Adda refund a naited kadagiti agus-usar iti koriente ditoy probinsia gapu ta nagsobra ti siningir dagiti planta iti Ilocos Sur Electric Cooperative para iti Nobiembre ken Disiembre itay napan a tawen.

Sakbay daytoy, imbilin ti Energy Regulatory Commission ti panangited dagiti planta iti refund iti ISECO gapu ta nagsobra ti siningirda iti kooperatiba ti elektrisidad kadagiti nadakamat a bulan.

Naammuan ti Tawid News nga agdagup iti P77 million ti refund iti ISECO para iti bulan ti Nobiembre ken P 61 million para iti bulan ti Disiembre wenno iti kadagupan a P138 million refund.

Mapapati nga idi Nobiembre, agdagup iti P117 million ti binayadan ti ISECO kadagiti planta ngem kalpasan ti recalculation, agbayad laeng koma iti P40 million, isu nga adda adjustment a P77 million.

Kuna ti ISECO a nai-reflect dagiti refund iti bill dagiti member-costumers.#