Regional English Olympics, naangay

CANDON CITY – Naisayangkat ditoy a siudad ti 2009 Regional English Olympics ti Department of Education ti Region 1 babaen iti panag-host ti Candon City Division ditoy idi Oktubre 26-27, 2009.

Nakipartisipar iti pasalip ti division ti Laoag City, Batac City, Ilocos Norte, San Fernando City, La Union, Ilocos Sur, Candon City, Vigan City, Pangasinan 2, Alaminos City, Urdaneta City, Pangasinan 1, San Carlos City ken Dagupan City.

Iti elementaria, nagsasalip dagiti ubing iti poem recitation iti Grade 1 ken 2, spelling bee iti Grade 3, declamation iti grade 4, essay writing ti grade 5.

Iti high school napagsasalipan ti spelling bee iti 1st year, declamation ket 2nd year, essay writing iti 3rd year, ken oration iti 4th year.#