CANDON CITY – Impakaammo ni Atty. Fidel Gines, city election officer ditoy, a maangay ti registration inton Hulio 15-22 para dagiti agbutos iti barangay ken SK elections inton Oktubre.
Dagiti laeng agtawen iti 15 agingga iti 17 ti mabalin nga agrehistro para iti SK election, kinuna ni Gines.
Innayonna a mangitugot laeng dagiti baro a botante iti baptismal wenno birth certificate para iti panagrehistrroda.
Manamnama a nasurok a sangaribu nga agtutubo ti agparehistro para iti masungad nga eleksion.