Regular meeting ti PCL, Ilocos Sur, naangay

CANDON CITY – Natratar dagiti gakat a naidatag iti Kongreso pakaseknan dagiti konsehal iti pagilian iti regular a miting ti Philippine Councilors’ League, Ilocos Sur Chapter a naangay itay nabiit iti conference hall ditoy siudad.

Karaman kadagiti natratar ti gakat a mangipaay iti civil service eligibility kadagiti nabutosan a konsehal iti pagilian, ti panagpastrek ti gunglo para kadagiti programana, ken ti lakbay-aral dagiti konsehal  iti Bangkok inton bulan ti Nobiembre.

Ni Konsehal ti Candon City Nestor Dizon ti agdama a presidente ti PCL, Ilocos Sur Chapter.#