Retirado a polis, naaresto

STA. LUCIA, Ilocos Sur – Inaresto dagiti polis ditoy idi malem ti Marso 24 ti maysa a retirado a polis gapu iti sangsanguenna a kaso iti korte.

Babaen ti warrant of arrest nga inyisio ni Judge Richard T. Domingo iti 11th MCTC Sta. Cruz-Sta. Lucia, Ilocos Sur, inaresto dagiti polis ni Alejandro Sanchez y Gabayan, 57, naasawaan, retirado a polis ken residente iti Barangay Vical gapu iti kasona a grave threats.

Nai-docket ti nasao a kaso iti babaen ti CC No. 5382 ken nairekomenda nga agpiansa ti akusado iti P12,000.00.

Adda itan ni Sanchez iti kustodia ti Sta. Lucia police station.#