BANTAY, Ilocos Sur – Maysa a retirado a polis ti nabagsol a puon ti nakatayanna gapu iti susikda iti kinainomna.
Natay ni Amado Cariño, 50, retirado a polis, residente iti San Isidro, ditoy gapu iti panangbagbagsol kenkuana ni Nestor Pajo, 43, kalugaran ti biktima.
Segun iti report, nagiinom ti suspetsa ken biktima ken dua pay a kaduada iti bahay kubo iti asideg ti pagtaengan ti suspetsa.
Adda rimsua a saan a panagkikinnaawatan ti suspetsa ken biktima, ket mapapati a nangala ti suspetsa iti kutsilio sana binagbagsol ti biktima.
Saanen a naidanon ti biag ti biktima iti Metro Vigan Cooperative Hospital.
Naglibas ti suspetsa kalpasan ti pammagsol. #
