Retirado a maestra, naduktalan a bangkay

STO. DOMINGO, Ilocos Sur – Nadiskubre a bangkayen ti maysa a retirado a babai a mangisursuro iti uneg ti balayna idi bigat ti Hunio 18.

Agrupsan ti bagi ni Clarita Pati y Rojo, 72, baak, retirado a maestra ken residente iti Barangay Poblacion East ditoy nga ili idi masarakan dagiti polis ken kabagianna iti nadakamat a petsa.

Maysa nga Odarlino Pati ti nagreport iti polis nga adda nalang-abna a dakes nga angot nga aggapu iti balay ti maestra idi lumabas.

Nagresponde dagiti polis ket nakipatangda kadagiti kabagian ti maestra a luktanda ti tawa agsipud ta nakaserra ti balay.

Ditoy a nasarakanda ti agrupsan a bangkay ni Pati iti uneg ti pagdigosan, partikular iti lat-ongan.

Segun iti polis, awan ti senial nga adda napasamak a foul play.#