Retirado a soldado, nagbekkel

CANDON CITY – Mapapati a kinettel ti maysa a retirado a soldado ti biagna iti uneg mismo ti pagtaenganna maigapu iti sagsagabaenna.

Nasarakan a nakabitin a naputipotan ti tengngedna iti nylon cord ni Ronaldo Reyes y Delos Reyes, 48, retired Philippine Army, residente iti Barangay Cubcubbuot ditoy siudad,  idi agarup 11:30 ti rabii ti Agosto 29.

Nangeg da Edgar Molina y Gacay, 46, Cubcubbuot chief tanod, ken ni Angelito Carlos, Palacapac chief tanod, ti panagpatulong ni Vilma Delos Reyes ket immarayatda sada intaray ti biktima iti Candon City Hospital ngem indeklara ti doktor a dead on arrival.

Segun ken ni Vilma, naiyospital ti asawana iti V. Luna Hospital ket na-diagnosed nga agsagsagaba iti withdrawal syndrome.#