Footer

Retired government employee, kaduana, napaltogan

CANDON CITY – Ginandat a gudasen ti dua nga armado a lalaki ti maysa a retirado nga empleado ti gobierno ken ti kaduana iti Barangay Ayudante ditoy siudad.

Naitaray iti Candon City Hospital da Petronilo dela Cruz, 71, ken ni Corazon Fernandez, 63, agpada a residente iti Ayudante ditoy siudad.

Segun iti inbestigasion dagiti polis, agpaabagatan ti kotse a nagluganan dagiti dua ket bayat ti panagdaliasatda iti one-lane a kalsada, immabay ti dua a lalaki a naglugan iti Honda TMX sada pinaltogan dagiti biktima.

Nakarekobre dagiti inbestigador iti kapsula manipud iti kalibre 45 iti nakapasamakan ti pammaltog.

Di pay ammo ti kinasiasino dagiti suspetsa ken ti motibo ti pammaltog.#