Footer

Rice subsidy dagiti mannalon, agtultuloy

SANTIAGO, Ilocos Sur – Agtultuloy ti pannakaited ti rice subsidy kadagiti mannalon ditoy nga ili, segun iti municipal agriculturist.

Kinuna ni Estrelita Bongolan, municipal agriculturist ditoy nga ili  nga agtultuloy ti rice subsidy program para kadagiti mannalon ditoy nga ili tapno ad-adda a mapadakkelda ti produksionda.

Kinuna ni Bongolan nga aganay 300 bags ti certified seeds ti ilaklako ti opisinana iti nababa a presio.

Innayon ni Bongolan nga agpateg ti tunggal sako ti certified seeds iti P1,200 ngem P600 laeng ti panggatang dagiti mannalon iti sangasako a certified seeds agsipud ta ibaklay ti gobierno munisipal ti P600.

Nasurok a 1,000 dagiti mannalon ditoy nga ili, segun ken ni Bongolan. (Manipud iti report ni Danny Antalan)