: Rienda ti DepEd, naiyallatiw | Tawid News Magazine - Weekly Ilocos News đŸ“°

Rienda ti DepEd, naiyallatiw

VIGAN CITY – Pormal a naiyallatiw ti rienda ti turay iti kabarbaro a mangidaulo iti Department of Education, Division of Vigan City babaen ti maysa a seremonia a naangay iti Vigan City Convention Center ditoy idi Disiembre 10.

Inyawat ni outgoing Division Superintendent Dr. Alberto Macob ti responsibilidad ken ni Dr. Anselmo Aludino iti seremonia a dinar-ayan dagiti agtuturay ti Vigan City nga indauluan ni Mayor Eva Marie S. Medina, dagiti konsehal, DepEd Ilocos Sur Division Superintendent Jorge Reinante, pannakabagi ti DepEd regional office, dagiti mangisursuro ken empleado iti dibision, Garry Carreon, presidente ti Federated Parent-Teachers Association ken dadduma pay a sangaili.

Tubo iti Vigan City, nagisuro ni Aludino iti Ilocos Sur National High School sakbay a nadutokan a mangidaulo iti DepEd Vigan City Division.#