Footer

Rifle grenade, nasukalan iti paraangan

NAGBUKEL, Ilocos Sur – Maysa nga eksplosibo ti nasukalan ti maysa a retirado a polis sadiay Barangay Poblacion West ditoy nga ili idi malem ti Hunio 5.

Inreport ni retirado a polis Leodigario Cachola y Tugade, residente iti nadakamat a barangay, iti police station a nakasarak iti rifle grenade bayat ti panagdalusna iti paraangan ti balay ti maysa a nagawan a Jose Calderon.

Naipaima ti eksplosibo iti police station ti Nagbukel para iti umisu a disposision sa naiyawat iti Explosive Ordnance Team, ISPPSC, Ilocos Sur.#