STA. MARIA, Ilocos Sur – Rinibribu a deboto ti nagdudupudop ditoy nga ili tapno makipagrambak iti panagpiesta ni Nuestra Seniora de Asuncion itay Agosto 15.
Nagsasaruno dagiti misa a naangay iti daytoy nga aldaw a nangrugi iti alas kuatro ti parbangon. Alas nuebe ti bigat ti batang ni Archbishop of Nueva Segovia Ernesto Salgado a nangmisa.
Gapu iti kaadu dagiti umili a dimma-ay iti parambak, nairikep ti kalsada Col Reyes Avenue iti trapiko tapno nawaya ti pagnaan dagiti deboto a mapan sumuknal iti simbaan.
Maramrambakan ti Agosto 15 iti Katolika Romana nga aldaw a yuuli ni Birhen Santa Maria iti langit.#