Footer

Rota ti SEA Air a Manila-Vigan-Manila, mairugi inton Pebrero 18

VIGAN CITY – Impakaammo dagiti pannakabagi ti South East Asian Airlines (SEA Air) a mangrugin ti rotada a Manila-Vigan-Manila itoy a bulan ti Pebrero.

Segun ken ni Richelle Singson, mairugin ti umuna a flight ti SEA Air nga agpa-Vigan inton Pebrero 18 iti oras ti alas dos ti malem idinto nga agsubli iti Manila iti 3:30 p.m. iti isu met la nga aldaw.

Innayon pay ni Singson a tunggal Biernes ken Domingo ti scheduled flight ti SEA Air kadagiti nadakamat nga oras ket P2,500 ti one way a plete.

Para iti online ticketing, mabalin ti agpa-book iti www.flyseair.com.#