Footer

Saba, mangga ti OTOP ti Banayoyo

BANAYOYO, Ilocos Sur – Saba ken mangga ti One Town One Product (OTOP) daytoy nga ili.

“Ditoy Banayoyo, insingasing ni mayor a  mainayon ti saba iti mangga a one town one product,” kinuna ni Josefina Orpilla,  municipal agriculturist ken coordinator ti OTOP ditoy.

Itay nabiit, naisayangkat ti training-seminar ti 42 nga babbai tapno adalenda no kasano a padur-asen dagiti nasao a produkto ti ili babaen ti panagkinnamayyet ti gobierno munisipal ken ti Department of Trade and Industry.

Nailatang ti pondo a P50,000 a naigatang iti seedlings ti kabarbaro a variety a saba a mainayon  kadagiti naimulan a saban kadagiti barbarangay.

Pakairamanan kadagiti processed products a naisuro ti banana chips, banana pastilles, banana mahablanca ken dadduma pay.#