Footer

Sabali pay a bangko naglukat iti Vigan City

VIGAN CITY – Naglukat ti Development Bank of the Philippines ditoy siudad idi Nobiembre 26 tapno maserbian saan laeng dagiti dadakkel a negosiante no di pay dagiti mannalon nga agkasapulan iti pagpuonanda iti panagmulada.

Segun ken ni DBP President ken CEO Francisco del Rosario, Jr., paset daytoy ti programa ti gobierno a private-public partnership (PPP).

Kinuna ni del Rosario a mangnamnana nga iti idadateng ti DBP iti Vigan, mangidateng iti ad-adu pay nga oportunidad iti ekonomia ken pagsapulan dagiti umili yantangay daytoy a siudad ti sentro ti ekonomia ken politika iti Ilocos Sur.

Idauluan ni Branch Manager Luzviminda Buduan ti DBP Vigan Branch.#