Sabali pay a naiwawa nga slug, nasarakan iti maysa a balay

SAN VICENTE, Ilocos Sur – Maysa nga slug ti nasarakan iti uneg ti kuarto ti maysa nga agnaed iti Sitio Sagsagat, Barangay San Sebastian, ditoy nga ili iti malem ti Enero 3.

Inreport ni Mila Lopez y Aquino, 46, iti polis a nasarakanna ti slug iti kuarto ti anakna a mapapati a naggapu iti cal. 45 idi agarup 11:30 ti bigat ti nadakamat a petsa.

Mapapati a naiwawa daytoy naiputok nga slug ket simrek iti balay ni Lopez.

Naipaima ti slug iti Ilocos Sur Crime Laboratory Office, Bulag, Bantay, Ilocos Sur para iti ballistics ken cross-matching.

Maipalagip nga uppat a naiwawa a bala ti simrek iti dua a balay, maysa a panganan ken kuarto ti maysa a doktor iti Gabriela Silang General Hospital a naiputok manipud iti 9mm kas pangselebrar iti isasangbay ti baro a tawen.#