Sakit ti aso, agraira

CAOAYAN, Ilocos Sur – Agraira ti maysa a sakit ti aso ditoy nga ili, daytoy ti naammuan manipud iti opisina ti municipal livestock inspector itay nabiit.

Segun ken ni Municipal Livestock Inspector Oswald Tongson, agraira ti sakit a Parvo ditoy nga ili gapu iti kinapudot ti panawen.

Naammuan kenkuana nga addan 35 nga aso a nagsakit iti Parvo ket liman ti natay kadagitoy.

Kinuna ni Tongson a maysa kadagiti pagilasinan iti panagsakit ti aso iti Parvo iti panagiblengna a kaadduanna iti addaan iti dara, panagsaruana, saan a makakaan, agkakapsut ken aggurigor.

Kinuna ni Tongson a tapno malapdan ti panagsakit ti aso, digosen daytoy iti inaldaw ken bakunaan iti kontra Parvo virus.#