Footer

Sakit ti baka, baboy, agraira

TABUK CITY – Imminget ti panagsiput dagiti polis ken ti opisina ti veterinarian ditoy kadagiti maiserrek a karne ti baboy ken baka iti merkado iti sanguanan ti panagraira ti sakit a hog cholera ken black leg ditoy.

Naammuan a sangapulon a baka ti natay gapu iti panagsakitda iti black leg idinto nga adun a baboy ti natay gapu iti hog cholera.

Segun ken ni Fermin Quinto, city veterinarian, nainget ti checkpoint nga ipatpatungpal ti opisinana ken dagiti polis tapno masiputan a saan a kontaminado dagiti mailako a karne ti baboy ken baka kadagiti nasao a sakit.#