Footer

SALAYSAY: Ilocos Sur: Outstanding Poverty Reduction Program Implementer (Umuna a paset)

Nagbalin a naisangsangayan nga aldaw para iti probinsia ti Ilocos Sur ti Oktubre 29, 2008 ta iti daytoy nga aldaw, pinadayawan ti Regional Kalahi Convergence Group (RKCG) ti programa ti gobierno probinsial a KABSAT Outreach Program kas Outstanding Poverty Reduction Program Implementer iti sibubukel a Rehion I. Daytoy ti maikadua a daras a pannakagun-od ti Ilocos Sur iti nadakamat a pammadayaw.

Ngem ania aya ti KABSAT ken kasano  a napaadda ti day-toy a nakaigapuan ti panna-kaaw-awag itan iti gobernador ti Ilocos Sur kas KABSAT DV?

Idi 2001 agingga iti 2004, inrugi ti gobierno probinsial ti Ilocos Sur ti programana a Delivery of Various Barangay Services (DVBS) tapno maak-sionan dagiti agduduma a kiddaw dagiti barangay aglalo dagiti agnaed iti sangapulo ket uppat nga upland municipalities iti probinsia. Binulan a maangay ti DVBS program iti sango ti kapitolio  ket agduduma a ramit iti panagtalon, pannakaiwaras dagiti dingnguen ken tulong a pinansial ti inyaw-awat ni Gob. Deogracias Victor “DV” Savellano kadagiti kapitan ti barbarangay. Adu nga Ilocos Surian ti natulongan daytoy a programa a nangiyalatan  ti Ilocos Sur iti umuna a pam-madayaw  kas Outstanding Poverty Reduction Program Implementor.

Ngem saan a nakuntento dita ni Gob. Savellano gapu ta makitana a saan a naan-anay dagiti maited a serbisio kadagiti adu nga kapro-binsiaan nga adda iti bam-bantay. Iti  panagsublina kas ama ti probinsia idi 2007, maysa manen nga umasping a programa ti inrugina babaen ti sabali a nagan. Daytoy ti Kakailian nga Agnaed iti Barangay Sangsakamaysa nga Agarang-ay Tayo wenno (KABSAT) Outreach Program.

Kas iti DVBS program, ti met laeng panangited kadagiti kasapulan dagiti barbarangay ti kangrunaan a gagem ti KABSAT. Ti laeng maigidiat ditoy, imbes a dagiti opisial ti barangay ti mapan iti kapitolio tapno awatenda ti bunga dagiti kiddawda, maysa ketdi a grupo ti mismo a mapan iti tunggal ili tapno ammuenda dagiti kasapulan dagiti barangay kangrunaan la unay iti benneg agrikultura ken salun-at ket apaman a mapa-adda dagiti kiddaw, mapan iti lugar ti sibubukel a kapitolio ken agduduma a national  agencies iti probinsia kas iti Technical Education Skills Development Authority, Department of Trade and Industry, Department of Enivironment and Natural Resources, Department of Agrarian Reform, Department of Education, Philippine National Police, Phil.Army, Philippine Information Agency, National Broad-casting Network, Department of Interior and Local Government, National Tobacco Administration, National Food Administration, Office of the Civil Defense, agduduma nga NGOs kas iti Community Involvement Services (CIS), Global Care Mission, Ilocos Sur Medical Society, Brgy. Health Workers, Brgy. Nutrition Scholars, dagiti eskuelaan kas iti University of Northern Philippines, Ilocos Sur Polytechnic State College ken Ilocos Sur Community College, tapno isudan a mismo ti mangidanon kadagiti agricultural equipment kas iti water pumps, hose, kuliglig, traktora, tubo; napasayaat ti pulina a kalding, seedlings ti agro forestry ken agbunga a kayo, tilapia fingerlings, used clothing, bagas, lamisaan a para iti Day Care centers, agduduma a kasapulan iti salun-at, communication equipment, computer sets, monobloc a tugaw ken lamisaan, kitchen utensils ken agduduma pay a kiddaw ti tunggal barangay.

        (Adda tuloyna)