Naangay pay itoy nga aldaw ti salisal iti panagpinta ken panagdisenio, slogan making contest, kasta metten ti danga-dang ken saririt a pakairamanan ti quiz bee, on the spot Ilocano poem writing contest ken dadduma pay. Naiyawat ti premio dagiti nangabak iti kamalmanna a pannakaangay tiĀ SIGLAT ESKWELA a nakapilian ti Alilem Elementary School kas Safest Elementary School; Pudoc Elementary School, San Vicente kas Best Managed School Canteen ken Las-ud Elementary School, Tagudin kas Best PTCA. Napadayawan pay itoy nga okasion dagiti Outstanding Boy Scouts ken Girl Scouts.
Dagiti met annak ti Ilocos Sur a nakaited iti pammadayaw ken nagballigi iti pilida a tay-ak ti narekognisar iti Fr. Jose Burgos Achievement Awards a naangay iti karabianna. Siam a mabigbig nga Ilocos Surian ti pinadayawan ti gobierno probinsial itoy kangatuan a pammadayaw a maipaay iti annak ti Ilocos Sur kas pangbigbigna iti panagballigi dagitoy.
Naiyawat ti tropeo kada Cirilo Lao (business); DPWH Secretary Rogelio Lazo Singson,Ā (Engineering and Construction); Atty. Emil Jurado (Journalism); Dr. Leocadio Sebastian (Agri-culture and Research); Grace Urbien Salvatus (Academe); Gen. (ret.) Diomedio Villanueva (Military Services); Clemencia Parde (Food Processing Industry); Mary Ann Armovit (Music) ken Department of Finance Cesar Purisima, (Public Accountancy).
Kinuna ni Vice Gov. Deogracias Victor āDVā Savellano a ti nadakamat nga award ti kangatuan a pammigbig nga ipaay ti gobierno probinsial kadagiti maipagpannakkel a taga-Ilocos Sur.
Daytoyen ti maikapat a tawen a marekognisar dagiti achievers a taga-Ilocos Sur sipud naipasa iti sangguniang panlalawigan ti resolusion a mangpadayaw kadagiti illus-trious sons and daughters ti probinsia tunggal Kannawidan Ylocos Festival.
Nagpabuya pay dagiti opisial ti probinsia kas siguden a maar-aramid iti tinawen. Tinapatan da Vice Gov. Savellano, dagiti bokal ken dadduma pay nga opisial dagiti agbuybuya babaen ti kankanta. Mangipakita a saanda laeng a nalaing nga agpanday linteg no di pay ammoda met ti mangray-aw kadagiti tattao nga iturayanda.
Naisaruno ti panagsasalip dagti lokal a banda a nangipangeganda, saan laeng a dagiti original Pilipino Music (OPM) ken Ilocano songs no di pay ti bukodda a komposision. Malaksid kadagiti napili a kalaingan a banda, naipaayan pay iti premio dagiti nagbalin a Best Guitarist, Best Vocalist, Best Drummer ken Best Original Composition.
Naiparada dagiti nagkauna a military jeepĀ ken bisikleta iti bigat ti Sabado, maikanem nga aldaw ti parambak. Nagrikus dagitoy iti Metro Vigan Iti laksid ti kinadaandan, makita a napagtalinaed dagiti akinkukua ti pintasda ken agtaray pay dagitoy.
Iti rabii, nakoronaan kas Saniata ti Ilocos Sur itoy a tawen ni Dorothy Joy Pagurayan ti ili a Sinait bayat ti pageant night. Inawat ti balasang ti premio a P50,000, libre a trip to Bangkok ken ibagiannanto ti Ilocos Sur iti sumaruno a Miss Philippines. Napili pay kas Best in Gown idinto a ti designerna a ni Danica Damo ti napili kas Best Designer.
Napili met kas Saniata ti Ilocos Sur Tourism ti taga-Bangui, Ilocos Norte a ni Juliane Aurine Flores idinto nga inyalat niĀ Diana Rose Santos ti Batac, Ilocos Norte ti korona ti Saniata ti Ilocos Sur Environment. First Runner-up ni Diane Bernardo ti San Juan, La Union ken Second runner-up ni Daniella Jose ti Caoayan.
Naited met ti gundaway ken ni Nancy Palomares ti San Ildefonso a mangirepresentar iti Ilocos Sur iti sumaruno a Ms. Tourism Intercontinental kalpasan a naited kenkuana ti Ms. Tourism Intercontinental Philippines award.
Iti minor awards, napili kas Miss Congeniality ni Daniella Jose; Miss Talent ni Diane Bernardo; Ilocanosā Choice ni Jennylyn Deluria (Dagupan City); Best in Swimsuit ni Diane Rose Santos;Ā ken Miss Photogenic ni Juliane Aurine Flores.
Sakbay ti koronasion, pinagsapata ni Vice Gov. Deogracias Victor āDVā Savellano dagiti opisiales ti kabuangbuangay nga Ilocos Sur Designers Guilt. Kinuna ni Savellano a maysa metten daytoy a wagas tapno madiskobre ti talento dagiti local designers ken maitandudo dagiti lokal a produkto ti ilocos Sur a maaramat iti panagdisenio.
(Maigibusto)