Footer

SALAYSAY: Politika ditoy pagilian, pampamilia (Tuloyna)

Kitaentayo dagiti presidentiables:

-Sen. Noynoy Aquino: nag-senador daydi Benigno Aquino Jr nga amana ken nagpresidente daydi Cory Aquino nga inana.

-Dati a Presidente Joseph Estrada: nagsenador ti asawana a ni Loi Ejercito Estrada ken ni Jinggoy nga anakna, mayor ti San Juan ni Joseph Victor “JV” Ejercito.

-Richard Gordon: nagmayor ti Olongapo City ti asawana a ni Kate Gordon, kabsatna ni James Gordon, Jr., mayor ti Olongapo City, nagmayor met iti Olongapo City da James Tagle Gordon ken Amelia Juico Gordon a dadakkelna.

-Gilberto Teodoro Jr. – dadakkelna da dati a Social Security Adminstrator Gilberto Teodoro, Sr. ken dati a Batasang Pambansa member Mercedes Cojuangco-Teodoro. Agkabagianda ken ni Sen. Noynoy Aquino ta agkasinsin da dati a Presidente Cory ken ti ina ni Gibo. Ulitegna ni chairman ti San Miguel Corporation Eduardo “Danding” Cojuangco a pinadasna ti nagkandidato para presidente idi ngem naabak.

-Eddie Villanueva: anakna ni Party-list representative Joel Villanueva.

-Sen. Manuel Villar: agdama a congresswoman iti Las Piñas ni Cynthia Villar nga asawana.

-Sen. Jamby Madrigal – Paternal grandfatherna daydi Sen. Vicente Madrigal, antina ni nag-Sen. Pacita Madrigal-Gonzales, apo daydi dati a Supreme Court Chief Justice Jose Abad Santos.

Ita, taliawentayo met dagiti agngayangay a para bise presidente.

-Jejomar Binay: nag-SK ni Jejomar Erwin, Jr. nga anakna, sa nabutosan a konsehal ken papili a para mayor, nag-mayor iti Makati City ti asawana a ni Elenita.

-Bayani Fernando: asawana ni Marikina Mayor Marites Fernando.

-Loren Legarda: asawana (nagsinadan) ni dati a Gov. ti Batangas Jose Antonio Leviste

-Manuel Roxas II: anak ni nag-Senador Gerry Roxas ken apo ni nag-Pres. Manuel Roxas.

(Adda tuloyna)