Footer

SALAYSAY: Superbug, di malapdan antibiotics ti panagwarasna (Maudi a paset)

Saan la a dayta, adun dagiti cosmetic surgery experts iti pagilian a daydaywen dagiti ganggannaet. Saan a paatiw iti panagagas dagiti doktortayo kadagiti nagduduma a klase ti kanser. Eksperto dagiti doktortayo kadagitoy a bambanag ken nalaka ti singirda no maidilig kadagiti sabsabali a pagilian, nangruna iti western world wenno iti lumaud.  Pammaneknek a nakaadayon ti immaddangantayo maipapan iti medisina.

Ngem naapektaran ti medical tourism ti pagilian iti kellaat a panagraira ti H1N1 virus. Nupay makuna nga awan ti epidemia ti H1N1 virus ken saan a nadlaw unay a naapektaran ti pagilian, dakkel ti imbunga ti aripapa (scare) iti medical tourism ti pagilian.

Ti makapangato iti kiday, nalakuan wenno linakuan dagiti dadakkel a pharmaceutical company ti gobierno iti antibiotics wenno agas kontra H1N1. Daytoy ti naiwaras a naibakbakuna.

Iti padamag a nagtaud iti India ti pagam-amkan nga NDM-1 virus ti atapen dagiti agtuturay daytoy a pagilian a dinisenio manen dagiti dadakkel a pharmaceutical companies a kukua dagiti westerners wenno dagiti taga lumaud  tapno mapasardeng ti siguada ti napaspas la unay a medical tourism iti Asia.

“Several superbugs are surviving in nature and they have been reported from countries like Greece, Israel, the US, Britain, Brazil, Puerto Rico and many others and it is unfair to link the superbug to India,” kinuna ni V.M. Katoch, director general ti Indian Council of Medical Research (ICMR).

Saan kano a maitutop a ti superbug genes ket napanaganan iti New Delhi metallo-beta-lactamase virus. Addaan iti adu a tipo ken klase daytoy a klase ti virus ken pudno la unay a drug resistant dagitoy ngem maliklikan ida babaen ti pannakaipatungpal ti nainget nga infection control procedures.

“Why are foreigners flocking to India for cosmetic and other surgeries?” dinamag ni S.P. Bajaj, chairman ti plastic surgery iti Jaipur Golden Hospital. “Because they are not only getting world class treatment and facilities at a fraction of the cost but they are attended to without loss of time,” inrasonna.  “About 99 per cent of the foreign patients go back hale and hearty, even though one per cent might carry bugs. Then does it follow that India should be singled out for the resistant bug, which they have conveniently named as New Delhi metallo-beta-lactamase-1 or NDM-1.”

Iti biang ni Prof. K. N. Prasad, microbiologist ti Sanjay Gandhi Post Graduate Institute of Medical Sciences, Lucknow, saan a nasisita a maipanagan ti NDM-1 a kas nangrugi iti New Delhi ta awan met ti kinapudnona. Kinuna ni Prasad nga addaan iti nasurok a 150 nga strains of bugs iti sangalubongan a resistant amin dagitoy wenno saan a maagasan iti uray ania a klase ti antibiotiko.

“Already 40 types of bugs similar to NDM-1 are existing globally, that also includes the German Imipenem Resistant Metallurgical Strain. The Indian variant is just the 41st strain. These things happen.So why should medical experts in Britain or other Western countries single out India?” ” kinuna daytoy eksperto a mangngagas.

Adda la ketdi ginelgel a baraniw  a pagtataudan ti naidumduma nga ayamuom daytoy nga isyo. Hidden agenda a kunada. Kinuna pay ni senior member ti Bharatiya Party S.S. Ahluwalia a “sinister design” dagiti foreign multinational companies (MNCs) ti report maipapan ti NDM-1 superbug.

Itoy a mapaspasamak, agparparang a kayat a diktaran dagitoy nga MNCs ti panaglakuan ti medisina iti sangalubongan.

Ditoy pagilian, nasken ti panagsiput a nalaing kadaytoy nga isyo. Nasken a maipasidong iti nauneg a panagadal ti tumaud wenno timmaud nga aripapa (scare) ta amangan manen no agbusbos iti dakkel a kantidad ti gobierno nga awan ti mamaayna. Agkatawa la ketdi dagiti nasiglat a mamorsiento a nairaman iti disenio dagiti mamasirib iti panaglakuan ken panaggiginnatang iti sangalubongan.

Agserbi koma nga adal ken sursuro ti napasamak iti kallabes wenno kadagiti napalpalabas nga isyo tapno agbalin metten ti pagilian a nawaya wenno mawayawayaan iti appan dagiti nabileg.

Mapabileg pay koma dagiti medical ken cosmetic procedures ken dadduma pay  tapno saantayo a paguyod iti ingpen ken nalimed a motibo dagiti higante nga agparpartuat iti ag-agas.#