Footer

SALAYSAY: Taldiap iti UFCH iti maika-50 nga anibersariona (Maudi iti dua a paset)

Aganay 150 ti delegado a dimmar-ay iti konbension. “Statehood and the Filipinos in Hawaii” ti tema ti pasken. Naangay met ti umuna a pasalip para iti Miss Hawaii Filipina babaen ti Fiesta Filipina Project. Ni Leticia Quintal ti umuna a Miss Hawaii Filipina 1959.

Dagiti kangrunaan a panggep ti pannakabuangay ti UFCH: To unite all Filipino organizations in Hawaii; to preserve Filipino culture and to enrich Filipino tradition; to appreciate the Filipina beauty through a Filipina pageant; to strengthen camaraderie, to get more organized and get more involved in all aspects of social, political, economic, agricultural, education, science, arts, medicine, and others; to be more visible in all aspects of endeavor, to unify forces, to be heard and achieve common goals.

Manipud idin, tinawen a maangay ti kombension a pakapilian dagiti mangidaulo iti gunglo.

Iti historia ti UFCH, ni laeng businesswoman ken community leader Maggie Domingo ti immuna ken kakaisuna pay la a babai a nagpresidente iti namindua a daras (1990-1992 ken 1996-1998). Isu pay laeng (ditoy Oahu) ti nag-UFCH president a kaaduan kadagiti aktibidad ken nakaikappengan a gunglo a kas iti PCFHI, PCCCH, OFCC, FCC, iti negosio, radio, media, gimong dagiti babbai ken ken dadduma pay.

Umuna a naangay ti pasalip a Mrs. Hawaii Filipina Contest idi panawen ni Bert Ugalino. Kinuna ni Ugalino: “Kanayon a makurkurangan ti scholarship fund para kadagiti deserving student, masapul nga aramidentayo daytoy ta dakdakkel ti ‘petaka’ ni misis, aglalo no pabolsaan ni mister!”

Kangrunaan a nangidaulo iti pasalip da Annie Corpuz, Maggie Domingo ken Joe Lazo ken dadduma pay.

Ni Acela Garcia ti umuna a nabalangatan a Mrs. Hawaii Filipina idi 1988. Daytoy ti namataudan iti dakkel a pondo para iti scholarship program.

Ni Jema Geronimo ti agdama a Mrs. Hawaii Filipina 2009.

Sakada Award, Progress Award

Ni Atty. Tony Ramil ti nangilungalong iti umuna a pannakapadayaw dagiti Sakada (Sacada Award) ken UFCH Progress Award, 1988-1990

Umuna a UFCH Convention iti ruar ti Hawaii

Naangay ti umuna a UFCH convention iti ruar ti Hawaii idi Hulio 2008. Naangay ti taripnong iti Las Vegas, Nevada. Ditoy a nabutosan a presidente ni Eddie Agas, Sr. ket ni Angie Borromeo ti bise presidente.

Saludo ken pananglugay kadagiti nag-presidente ti UFCH

Dagiti sumaganad dagiti nagserbi a presidente ti UFCH manipud idi nabuangay:

Roland D. Sagum+ 1959-1961, Justo Dela Cruz+ 1961-1962, Nicanor Domingo+ 1962-1963, Diosdado Avecilla+ 1963-1965, Gelacio Daoang+ 1965-1966, Frank Farinas+ 1966-1967, Jose Sanidad 1967-1969, Manuel Guillermo+ 1969-1970, Mario Bautista 1970-1971, Flaviano Leomo+ 1971-1972, Dave Paco + 1972-1973, Henry Manayan 1973-1975, Gene Albano 1975-1976, Jake Manegdeg 1976-1977, Pat Esclito, Jr. 1977-1978, Jake Manegdeg 1978-1979, Pete Ramos+ 1979-1981, Dave Paco+ 1981-1982, Virgilio Agcolicol 1982-1984, Francisco Ugale 1984-1986, Bert Ugalino 1986-1988, Tony Ramil 1988-1990, Maggie Domingo 1990-1992, Zachary Labez 1992-1994, Rick Manayan 1994-1995, Oscar Portugal 1995-1996, Maggie Domingo 1996-1998, Don Alvarez 1998-2000, Greg Peros 2000-2001, Dwayne Bueno 2001-2003, Don Guzman 2003-2004, Don Alvarez 2004-2006, Bryan Andaya 2006-2008, Eddie Agas, Sr. 2008 present (+Deceased)

Iti pannakaangay ti konbension iti Molokai ita a tawen, tinapogan ti gunglo ti nawadwada, nalawlawag ken manamnama a nabalballigi a masakbayan. Daytoy ti gun-oden ti UFCH iti panangpasungadna iti centennial celebration inton 2059.#