Salip iti panaglutuan, naangay

CANDON CITY – Nagsasalip dagiti nagturpos iti Candon Culinary School babaen ti panaglutoda kadagiti naiimas a potahe a naangay iti Candon Beach Resort idi Disiembre 3 ditoy.

Daytoy a pasalip ti maysa kadagiti tampok nga aktibidad iti pannakaselebrar ti 2011 Feria de Candon Trade and Festival a naangay manipud Disiembre 1 agingga iti Disiembre 7.

Uppat a pulo ket lima a putahe ti insagana dagiti nagsasalip.

Ni dati a House Deputy Speaker Eric D. Singson ti nangbangon iti CCA idi 2009.

Addan napagturpos ti akademia a 100 a residente iti maikadua a distrito a nagsanay iti culinary iti innem a bulan  ken aganay a 250 a residente ditoy siudad a nagsanay iti makalawas.#