Footer

Salip iti pormal a panagsurat ti Gawad Komisyon 2008, naluktan

Maysa a salip iti pormal a panagsurat ti GAWAD KOMISYON 2008 nga isponsoran ti Komisyon sa Wikang Filipino (KWF) para iti pannakarambak ti Buwan ng Wikang Pambansa (2008) (Bulan ti Nailian a Pagsasao).

Adda met salip kadagiti sumaganad a pagsasao: 1) Sugbuanong Binisaya (sugilanon ken balak), 2) Iluko (ababa a sarita ken salaysay), 3) Hiligaynon (ababa a sarita ken daniw), 4) Waray (kalipot nga istorya ken siday balakwa), 5 Pangasinan (anlong ken ababa a sarita), 6) Kapampangan (ababa a sarita ken daniw) ken 7) Bikol (ababa a sarita ken daniw).

Dagiti Pagalagadan:
1. Silulukat daytoy a salip kadagiti amin a mannurat, ngem saan a mabalin a makisalip dagiti empleado ti KWF ken dagiti kabagianda.

2.   Para ti Gawad Komisyon a maisurat iti Filipino, dagiti datin a nakisalip a nangabak iti umuna ken maikadua a premio iti agsasaruno a tawen ket mabalinda laeng ti makisalip manen kalpasan ti dua (2) a tawen.

3. Masapul nga orihinal dagiti piesa, saan a naipatarus manipud iti sabali a pagsasao, saan pay a nangabak iti ania man a nangato (kangrunaan) a premio, ken saan pay a naipablaak iti magasin wenno internet.

4. Awan ti aniaman a pakabigbigan iti piesa uray pay nagan ti nangaramid. Adda pormulario a maala iti KWF wenno iti http//wika.pbwika.com a pakailanadan ti nagan, adres ken dadduma pay nga impormasion.  Masapul a nakanotario ti pormulario.

5.  Ti tema para ti salaysay iti Iluko: “Ti Pagsasaom, Ti Pagsasao a Filipino, Ti Pagsasao ti Lubong, Napateg” (Wika Mo, Wikang Filipino, Wika ng Mundo, Mahalaga!) wenno ania man a tema maipanggep iti panagduduma dagiti pagsasao ken kultura iti Filipinas.

6. Siwayawaya a pumili dagiti makisalip iti tema para iti salip ti panagsurat iti ababa a sarita iti Iluko.

7. Agatiddog ti salaysay iti sangapulo ket lima (15) agingga ti tallopulo (30) a panid.  Para iti ababa a sarita, sangapulo (10) agingga ti duapulo (20) a panid.  Masapul a maimakinilia wenno maikompiuter (Font 12-Arial), dagiti pakisalip, doble espasio iti 8 ½  X 11 a bond paper. Maysa a pulgada ti margin iti ngato, kanawan ken baba ken maysa ket gudua a pulgada iti kanigid. Masapul nga agsasaruno a bilang ti panid iti tengnga a baba kada panid.

8. Masapul a mangisumite iti uppat (4) a hard copy ken maysa (1)  nga electronic file (iti format nga MS Word document) ti tunggal makisalip.

9. Maysa (1) laeng a piesa kada kategoria ti mabalin nga isumite ti tunggal makisalip.

10. Dagiti premio kada kategoria: Umuna a  Gunggona – P15,000.00 + tropeo, Maikadua a Gunggona – P10,000.00 + tropeo, Maikatlo a Gunggona   –  Php 8,000.00 + tropeo, Tallo (3) a Konsolasion – Php 2,000.00 + sertipiko

   Amin a piesa a pakisalip ket maipaayan iti Pammaneknek ti Pannakisalip iti aldaw a maited ti piesa iti opisina ti KWF.

11. Pinal ti pangngeddeng dagiti hurado ket saan a mabalin a protestaan.  Agbalin a kukua ti KWF amin a piesa a mangabak ket karbenganna nga ipablaak dagitoy nga awan ti awaten a royalty dagiti autor.

12. Ipatulod wenno ited a personal ti piesa sakbay ti alas-5:00 ti malem inton Agosto 18, 2008.  No ipatulod babaen ti e-mail, iraman ti maysa (1) a piesa (iti format nga MS Word document) ken kasta met ti sinungbatan ken pinirmaan a pormulario ti KWF.

     Ipatulod  dagiti pakisalip iti: Panrehyong Sentro ng Wikang Filipino R-I, CETC Bldg., Mariano Marcos State University 2906 Philippines, Tel no. 792-4141, e-mail add: [email protected], frances09nicolas @yahoo.com,[email protected] (Ariel Tabag ken Daniel Nisperos)