Salip iti salaysay, isayangkat ti Timpuyog Journal

Isayangkat ti Timpuyog Journal ti Salip Iti Salaysay 2013 babaen ti panangesponsor ni Lady Fele Mann, Filipina a lider-sibiko iti Darwin, Australia ken presidente ti TMI Australia-Global.

Maysa a naidumduma a lugar ti tema/topiko ti salaysay. Maysa laeng ti isalip, agatiddog iti 4-6 a panid, short coupon band, ti isubmitar ni mannurat. Maikompiuter iti doble espasio, 12, bold face dagiti sinurat. Ti laeng PUDNO  a nagan ken adres ti mannurat ti mailanad iti manuskrito. Orihinal ken saan pay a naipablaak ti maisalip.

Dagiti premio: Umuna a Gunggona, PhP6,000.00 ken sertipiko; Maikadua a Gunggona, PhP5,000.00 ken sertipiko; Maikatlo a Gunggona, PhP4,000.00 ken sertipiko, ken tallo (3) a konsolasion a premio a sag-PhP1,000.00 ken sertipiko.

Deadline ti pasalip, Febrero 28, 2013. Ipatulod ti pakisalip ken ni Peter La. Julian, 23 National Road, Oscariz, Ramon, Isabela, wenno ni Mar Llaneras, Salinungan West, San Mateo, Isabela. No email, iti patulod iti [email protected] wenno iti [email protected]

Pakuyogan ti manuskrito iti affidavit a mangipaneknek a bukod a sinurat ti autor ti pakisalipna. Pakuyogan pay dagiti retrato a mainaig iti lugar.#