SAN EMILIO, Ilocos Sur- Kinuna ni Mayor Ferdinand Banua a siento porsiento a naiteden ti bingay ti munisipio ditoy iti RA 7171 para iti 2009.
“Idi damo, 50% ti naited nga agdagup iti nasurok a P16 milion, ket di nagbayag, simmangpet ti 2nd release iti bingay ti munisipio manipud iti RA 7171 para iti 2009,” kinuna ni Banua.
Kinuna ti mayor a nailatang ti pondo manipud iti RA 7171 kadagiti priority projects dagiti barangay kas iti farm to market roads, multi-purpose buildings, covered courts, ken livelihood programs.
Innayonna nga adda nailatang a bingay tunggal barangay manipud iti naawat ti munisipio a sharena manipud iti tobacco excise tax.#
