San Esteban, nakasaganan a mangrambak Kristo Ari

SAN ESTEBAN, Ilocos Sur.  Nakasaganan ti Simbaan iti pannakarambak ti Kristo Ari inton Nobiembre 24-25 ditoy.

Kinuna ni Fr. Amador Cabalona ti St. Stephen Parish Church, a namnamaenda ti agdagup iti 10,000 a tattao nga umay makipagrambak iti Kristo Ari ditoy.

Naammuan ken ni Cabalona  a manipud idi Setiembre 15, naipaspasiaren ti ladawan ni Kristo nga Ari kadagiti naduma-duma a kapilia iti barangay babaen ti Simbaan Sangkarubaan (Sisa) SISA.

Kinunana a malaksid ti misa a maangay iti bigat, maangay  iti malem  ti consolidated mass babaen ken ni Archbishop Ernesto Salgado ken dagiti ag-sangagasut a papadi.#