Sangapamilia, natagtagbat

CANDON CITY – Sangapamilia ti biktima ti pannagbat a napasamak iti Barangay San Agustin ditoy siudad idi malem ti Hulio 4.

Naipaagas iti St. Martin de Porres Hospital ditoy siudad dagiti biktima a nainaganan Manuel Acantilado y Fernando, 46; ti asawana a ni Maribeth Acantilado y Mina, 40; ken ti anakda a ni Christian Paul, agpapada a residente iti Barangay San Agustin.

Naammuan iti inbestigasion dagiti polis nga agdaldaliasat ti motorsiklo a nagluganan dagiti biktima iti kalsada ti nasao a barangay nga agpaamianan idi kellaat a nagparang ti suspek a nabigbig a ni Florante Gabor y Santos, 42, naasawaan, kalugaran dagiti biktima, sana tinagtagbat ida.

Sinawar dagiti polis ti suspek nga saanda a nabirokan agraman ti inaramatna a jungle bolo.

Mapapati a dati a susik ti gapu ti pannagbat.#