Saranay, naidanon iti 7 barangay

STO. DOMINGO, Ilocos Sur – No adda Kakailian nga Agnaed iti Barangay Sangsangkamaysa nga Agrang-ay Tayo wenno KABSAT Outreach Program a dumandanon kadagiti upland municipalities, adda met Salun-at ken Rang-ay ti away Ayuda ti panagkaykaysa  (SARANAY) para kadagiti barangay iti patad.

Itay Mayo 16, naisayangkat ti medical/dental mission, agduduma a seminar idinto a naiwaras dagiti death aid benefit cards kadagiti agindeg ken barangay workers itipito a barangay daytoy nga ili a pakairamanan ti Barangay Sto. Tomas, Nagbettedan, Quimmarayan, Binongan, Lussoc, Lagatit ken Nambaran babaen ti pannakikinnammayyet ti Global Care Mission ken ti Citizen’s Involvement Services Inc. (CIS)..

Nagyamanan dagiti kakapitan nga impanguluan ni ABC Pres. Ernesto Tadeja ken ni Gov. Deogracias Victor Savellano gapu iti naiyeg a benepisio iti lugarda a makatulong iti nadardaras a pannakasolusion dagiti parikut iti barangay aglalo iti benneg ti salun-at ken agrikultura. (Mancielito S. Tacadena/NBN Vigan)