Footer

Sarisari store, natakawan

BANTAY, Ilocos Sur – Maysa a tienda iti Barangay Balaleng Amaniance ditoy nga ili ti natakawan itay nabiit.

Nagreport iti polis ni Arthur Pablico, 45, naasawaan, residente iti nadakamat a barangay, a natakaw ti naglakuanna a nasurok a P7,000 ken uppat a selpon a naibati iti sarisari store iti sanguanan ti balayda.

Segun iti report, nakastrek dagiti di nabigbig a mannanakaw babaen ti panangdadaelda iti tulbek ti tienda.

Naduktalan ni Pablico ti panagtakaw iti ipapanna panaglukat iti tienda iti agsapa.#