Sasso a manok, native a baboy, maipataraken

SAN JUAN, Ilocos Sur – Kinuna ti director ti demonstration farm ti Ba-Rang-ay ditoy a nakasaganan a makitulag kadagiti opisial ti barangay ken non-government organizations mainaig iti dispersal program ti gobierno probinsial.

Kinuna ni Dr. Cesar Soller nga addan bilin manipud iti gobernador  a sumrek iti katulagan kadagiti barangay captains, Rural Improvement Club ken dadduma pay a gunglo babaen ti memorandum of agreement para iti pannakaipataraken dagiti sasso ken native a baboy a patanor iti demo farm ditoy.

Babaen ti MOA, isubli met laeng dagiti agtaraken dagiti naiwaras a dingnguen apaman a nakapatanorda tapno adda maited a taraknen dagiti sabali a grupo wenno gunglo.#