Savellano, nainstolar a chieftain iti panagpiesta ti Suyo

SUYO, Ilocos Sur -Nainstolar ni Gobernador Deogracias Victor Savellano kas provincial chieftain ti Bago National Cultural Society of  the Philippines para iti Ilocos Sur iti panagpiesta daytoy nga ili itay nabiit.

Naipabuya met dagiti ritual ken kankanta dagiti Bago kas iti Albasya, Seggep, Sangbo ken Damaan, Goyogoy, Palis, Palang-ay ken Kam-an Si Gamet.  Naipabuya pay ti Sapit, Pagpagating, Gubbubbaw, Ammoyo, Kaon, Patod, Pakde, ken Begnas iti tallo aldaw a panagpiesta ti ili.

Paset pay ti piesta ti panangselebrar ti ili  iti Aldaw ti Wayawayana.

“Iti February 4 ngamin ti ipapanaw dagiti nangsakup iti Suyo idi gubat,” kinuna ni Mayor Bistoyong.#