Science- technology fairs maangay iti Vigan City

VIGAN CITY – Agbalin a host daytoy a siudad iti dua a science and technology fairs ken maysa a pasalip ken exhibit iti imbension a maangay ditoy iti umuna a lawas ti Septiembre, daytoy ti impakaammo ni Department of Science and Technology (DOST) Provincial Director Ramon Sumabat itay nabiit.

Kinuna ni Sumabat a maangay iti Vigan City ti Science Nation Tour-Ilocos Agham Ramdam iti August 31- September 2, ti North Luzon Cluster Science and Technology Fair, ken ti Regional Invention Contest and Exhibit inton September 1-3.

Makipartisipar ditoy dagiti agbasbasa iti high school ken kolehio, agsuksukisok, extension workers manipud kadagiti state colleges ken universities, private higher educational institutions ken entrepreneurs iti sapasap nga Ilocos Region, Cordillera Administrative Region ken Cagayan Valley.

Kangrunaan a sangaili ti nasao a fair a maangay iti Vigan Convention Center ni DOST Secretary Mario Montejo.

Ti tema para iti daytoy a pagteng: “Philippines: A Science Nation Innovating for Global Competitiveness.”#