Footer

Screening ti Saniata ti Ilocos Sur, naluktanen

VIGAN CITY – Kas panagsagana ti gobierno probinsial  iti panangselebrarna iti maikadua a KANNAWIDAN Ylocos Festival inton maudi a lawas ti Enero 2009, pormal a naglukaten ti screening para iti Saniata ti Ilocos Sur 2009.

Silulukat ti pasalip kadagiti babbai nga agtawen iti 17-25, taga-Ilocos Sur wenno adda puonna a taga-Ilocos Sur,  agtayag iti 5’5”, addaan iti pleasing personality ken at least high school graduate.

Naituding ti screening iti Disiembre 13, 20, Enero 3 ken 10  iti alas 2-5 iti malem iti Zensho Japanese Restaurant iti Tomas Morato, Quezon City. Maangay met ti provincial screening iti kapitolio ti Ilocos Sur inton Enero 9, 2009 ala-una iti malem para kadagiti provincial entrants.

Umawat iti P50,000 ti mangabak ken maaddaan iti gundaway a mangirepresentar iti probinsia iti sumaruno a Bb. Pilipinas Pageant. Maikkan met iti P15,000 ti talent scout ti mangabak.#